Beatriz Blanco (Ferrol, 1980) estudou Filosofía na Universidade de Santiago Compostela e na Universidade Complutense de Madrid. Obtivo o seu mestrado cun traballo sobre a escritura e o corpo entre Jacques Lacan e Jacques Derrida, xunto a Paco Vidarte. É Doutora Europea pola UNED coa tese “Geografías de los restos: reinscripciones del duelo en Glas de Jacques Derrida”. Os seus traballos versan sobre o pensamento francés contemporáneo, especialmente sobre Jacques Derrida, e as súas translacións no pensamento feminista e (post)colonial. Ten no prelo unha monografía sobre a filósofa Judith Butler. Forma parte do colectivo galego de pensamento Proxectoderriba.

Publicado en Euseino?
“Corpos impropios. Da performatividade do xénero á aneconomía do arquivo” en “As conferencias da Sorbona. Corpos, propiedade e subxectivación“, Anotacións sobre literatura e filosofía, nº 8, abril de 2015.