Programa “Filosofía nas Bibliotecas” 2016
Obxecto e finalidade
A Fundación Euseino?, dentro do marco establecido nos artigos 6 e 7 dos seus Estatutos, nos que se fixan os fins e as actividades da Fundación, convoca un proceso de selección para a participación no Programa “Filosofía nas Bibliotecas” do ano 2016.
Este Programa ten como obxectivo fomentar e apoiar a organización de actividades e conferencias para a difusión do pensamento filosófico nas Bibliotecas Públicas galegas.
No ámbito da cultura e do pensamento é esencial, ademais da existencia dunha plataforma de publicación de obras, o fomento de actividades coas que difundir na sociedade galega as ideas expostas polos pensadores e pensadoras na súa obra para logo poder debater libremente sobre elas coa finalidade de consolidar un pensamento non dogmático.
A colaboración coas bibliotecas públicas tamén incentiva a realización de actividades complementarias ao Programa e posibilita a participación de destinatarios de diferentes sectores sociais, culturais e educativos.
euseino.org 