Din Matamoro (Vigo, 1958) é membro da Academia de Belas Artes de Galicia desde o ano 2015. Buscador de novos sensos da creación artística, ten obra en destacadas coleccións e museos coma a colección Banco de España, a colección de arte da Deputación de Pontevedra, o Centro Galego de Arte Contemporánea, colección Deputación da Coruña, Museo de Álava, Museo Quiñones de León e a colección Abanca. Estudou na Facultade de Belas Artes de Madrid, onde recibiu as bolsas Fullbright (Nova York, 1988-1989) e da Academia Española de Historia, Arqueoloxía e Belas Artes (Roma, 1991-1992).

Como ilustrador, destacan as súas serigrafías do conto de Carmiña, de Manuel Rivas (Edicións Aguatinta, 1996) e as súas ilustracións en Luz de facer memoria (Premio González Garcés, Deputación da Coruña, 1998), de Manuel Álvarez Torneiro, Peixes medievais (Tambo, Deputación de Pontevedra, 2004), de Xosé María Vila Ribadomar, e Feliz idade, de Olga Novo (Tambo, Kalandraka, 2019).

Publicado en Euseino?
Mondas (col. Rúa do Lagarto 3, serie Onocrótalo)

Participou no Encontro arredor de Mondas coa intervención “Debuxos naturais“.