Nicasio Gradaille (Neda, 1964) é profesor de piano no Conservatorio Superior de Música de Vigo e pianista do Taller Atlántico Contemporáneo, do que é membro fundador.

Estudou piano con Natalia Lamas no Conservatorio Superior de Música da Coruña, con Cecilio Tieles no Conservatorio Profesional de Vilaseca (Tarragona) e con Peter Efler na Musik-Akademie der Stadt Baser (Basilea, Suíza) onde obtén o Diploma de Concerto (Konzertreifediplom). Asistiu a cursos con Gerard Wyss, Albert Gutman, Martín Millán, Salomon Mikowski , Manuel Carra, Albert Atenelle, Jean Goverts (piano) e Martin Joste (música contemporánea).

Galardoado co Primeiro Premio no Concurso Internacional de Piano Xavier Montsalvatge de música do século XX, co Primeiro Premio no Concurso Nacional de Piano Gregorio Baudot (Ferrol) e co Premio Galicia (Ferrol).

Actúa como solista coas orquestras Municipal da Coruña, Xove Orquestra de Galicia, Sinfónica de Basilea, Sinfónica do Conservatorio de Ventspils (Letonia) e a Orquestra de Cámara do Festival Montsalvatge da Habana.

Foi profesor de piano nos Conservatorios de Ferrol, Santiago de Compostela, Vilaseca, Wettingen (Suíza) e no Curso de Verán de Lucena (Córdoba).

En euseino.org
“O que non percibimos (ou si?) da música de Satie”, euseino.org, 9 de novembro de 2021