Con motivo da publicación do libro Capitalismo e fascismo, a xornalista cultural e poeta Ana Romaní entrevistou a Rebeca Baceiredo no programa Diario Cultural, da Radio Galega, o día 5 de maio.
Velaquí a ligazón para escoitar a entrevista:
http://www.crtvg.es/rg/destacados/diario-cultural-diario-cultural-do-dia-05-05-2016-2037497
A Fundación Euseino? convoca o Programa Filosofía nas Bibliotecas co obxectivo de fomentar e apoiar a organización de actividades e conferencias para a difusión do pensamento filosófico nas Bibliotecas Públicas galegas.
Seis filósofas e filósofos galegos propoñen senllas conferencias sobre temas diversos, entre eles, a construción do xénero e as súas relacións cos réximes de propiedade, a diferenza como unha posibilidade de chegar ao suxeito despotenciado, a posibilidade dun pensar “galego” non totalizador nin exclusivo, a intelixencia artificial e a súa influencia na vida colectiva humana, outros xeitos de relacionarnos para sobrevivir ás lóxicas dominantes e a idea de comunidade como algo inacabado, que non remata nunca, son algunhas das propostas que desde Euseino? diriximos ás bibliotecas públicas galegas e, através delas, ás lectoras e lectores do país.
Os filósofos e filósofas participantes son Roberto Abuín, Brais Arribas, Rebeca Baceiredo, Lucía Castro, Miguel Penas e Abraham Rubín. Algúns son autores habituais de Euseino? Editores, outras colaboran por primeira vez connosco. Agradecémoslles o seu apoio a esta iniciativa coa que comeza as súas actividades a Fundación Euseino?.
Estamos certos de que no ámbito da cultura e do pensamento é esencial, ademais da existencia dunha plataforma de publicación de obras, o fomento de actividades coas que difundir na sociedade galega as ideas expostas polos pensadores e pensadoras na súa obra para logo poder debater libremente sobre elas coa finalidade de consolidar un pensamento non dogmático. Ademais, a colaboración coas bibliotecas públicas tamén incentiva a realización de actividades complementarias ao Programa e posibilita a participación de destinatarios de diferentes sectores sociais, culturais e educativos.
Convocatoria de 2016 [aberto o prazo]
Participantes e sinopse das conferencias
Nos últimos días, publicáronse dúas recensións sobre Capitalismo e fascismo, de Rebeca Baceiredo. Nunha delas, que ve luz no xornal Novas do Eixo Atlántico, a crítica literaria Inma Otero Varela fai unha análise dos temas do libro, análise interpretativa que pon baixo o título “O eu manso”; cómpre lembrar que Inma Otero é autora de “A ficcionalización do eu: autoría e protagonismo das mulleres na literatura”, ensaio publicado no número 6 de Anotacións sobre literatura e filosofía.
Tamén o Faro da Cultura acaba de publicar unha recensión da obra de Baceiredo, desta volta escrita polo crítico literario Estro Montaña.
Para ler estas recensións, soamente hai que calcar nas imaxes que reproducimos a seguir.
euseino.org 