Gabinete de Orixinais (GabOr)

Consultoría e edición literarias

Un servizo para persoas que escriben orixinais literarios (narrativa, poesía, ensaio, teatro), dedicado a asesoría e preparación de orixinais de cara á súa presentación a editoriais, a premios ou á súa publicación.

Informe de lectura. Con asesoramento dun lector profesional sobre o seu orixinal.

Informe completo e honesto sobre cada un dos aspectos do seu orixinal (acabado ou sen rematar) para axudar a definir os aspectos febles ou para completalo nas súas carencias.

Narrativa: argumento, personaxes, desenvolvemento, recursos narrativos (positivos e defectivos), uso da orixinalidade e da convención, estilo (clixés estilísticos, puntos fortes). Avaliación final e conclusión.

Poesía: organización e estrutura do poemario, recursos poéticos (dicción, ritmo, ton), recursos estilísticos (figuras literarias, aliteración, selección léxica), grao de orixinalidade e elaboración dunha poética propia. Avaliación final e conclusión.

Ensaio: adecuación da forma de exposición ao tema, argumentación e organización das ideas, estrutura e finalidade, uso da cita e aproveitamento dos conceptos, presenza ou ausencia de ideas novas. Avaliación final e conclusión.

Teatro: tipoloxía, recursos dialóxicos e recursos escénicos, personaxes, deselvolvemento e dramaturxia, escritura e posta en escena. Avaliación final e conclusión.

Preparación de orixinais e edición.

Revisión da organización do material literario. Con proposta de novos desenvolvementos ou modificacións do existente se fose preciso.

Proposta de modificacións: nivel de organización, nivel de recursos literarios e estilo, nivel de títulos, nome de personaxes, lugares, etc.

Corrección ou modificación do punto de vista (en narrativa), da poética implícita (en poesía).

Proposta de supresións de partes do orixinal e suxestión de engádegas, desenvolvemento de partes existentes e reescritura.

Tarifas

Os límites de caracteres que se indican son orientativos, unha aproximación excesiva a eses límites ha implicar a aplicación da tarifa inmediatamente superior.