“Do materialismo especulativo”: entrevista con Quentin Meillassoux

No ano 2006, o filósofo Quentin Meillassoux publicaba Après la finitude. Essai sur la necessité de la contingence (“Despois da finitude. Ensaio sobre a necesidade da continxencia”), un libro que significaría un novo xiro respecto da filosofía predominante durante a segunda metade do século XX. Fronte a esa tradición recente, volve xurdir o interese polo realismo, desta volta baseado nun pensamento materialista novo, denominado materialismo especulativo.

Neste novo número de Anotacións sobre literatura e filosofía (ISSN 2340-8537) publicamos unha entrevista con Quentin Meillassoux, realizada en 2011 para o libro New Materialism: Interviews & Cartographies, de Rick Dolphijn e Iris van der Tuin. Na entrevista, Meilla­ssoux fai unha exposición sintética da súa obra: aínda que o adxectivo «especulativo» podería suxerir un retorno á filosofía precrítica, coa súa crenza dogmática no poder da razón pura, o materialismo especulativo non rexeita as achegas da filosofía crítica, pola contra, abrolla do recoñecemento das limitacións desta. Nese senso, a filosofía de Meillassoux pretende ir alén do xiro crítico e lingüístico realizado polo pensamento do século XX, tendo en conta o innegable progreso que supuxo o seu labor crítico mais recuperando o senso especulativo da filosofía no que esta ten de posibilidade de pensar o absoluto independentemente da posición do ser humano no mundo.

A singularidade da obra de Meillassoux é que pretende conseguir precisamente aquilo que a filosofía moderna nos aprende como imposible desde hai dous séculos: «saír de si-mesmo, apropiarse do en-si, coñecer que é o que somos ou non somos».

Publicación sen periodicidade fixa, en formato PDF, Anotacións sobre literatura e filosofía pódese descargar de balde.

Para descargar gratuitamente a entrevista con Quentin Meillassoux en formato PDF, calque sobre a ligazón seguinte:

Do materialismo especulativo

Cuberta+lombo

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s